Soal UTS Genap Bahasa Sunda Kelas VII

Cakra (x) aksara a, b, c atau d nu aya di hareupeun jawaban nu bener !

1.         AYA HIJI TUKANG BÉCA

(ku : Dédy Windyagiri)

Tutas sarapan sa aya-aya

Ngaboséh béca mapay urat-urat kota

Demi sahuapeun,

Sakopeun

Panas morérét

Hujan ngagebrét

Jalan leucir, jalan garicul,

Disorang dipaju,

Nu ngarang sajak diluhur nyaéta:

a.	Tukang béca	c.	Dédy Windyagiri
b.	Dény Windyagiri	d.	Dédy Windyajatmika

2.         Nulis sajak béda jeung nulis prosa, sabab nulis sajak mah dipasieup ku kecap nu disebut :

a.	Puisi	c.	lancaran
b.	Diksi	d.	prosa

3.         Kecap-kecap pinilih anu ngandung harti jembar jeung beunghar ku silib siloka dina sajak atawa puisi disebut:

a.	Puisi	c.	lancaran
b.	Diksi	d.	prosa

4.         Sajak nu ngagambarkeun perjuangan  hiji jelema nu mulasara  kana lingkunganana nyaéta sajak anu judulna:

a.	Paménta nu pang akhirna	c.	Aya Hiji Tukang Béca
b.	Aki Uki Jeung Mahoni	d.	Miéling Poé Kamerdékaan

5.         Kecap ” morérét” dina sajak diluhur (no.1)  hartina:

a.	Hujan ngagebrét	c.	Wanci sareupna
b.	Panas poé mentrang mentring	d.	Wanci sariak layung

6.         Nu lain Sinonim kecap Sadrah :

a.	éling	c.	pasrah
b.	inget	d.	Nyiar kipayah

7.         Tugas Kolot nitah ngalakukeun hal nu hadé jeung …………… ngalakukeun nu goréng:

a.	Miwarang	c.	Nugaskeun
b.	nyaram	d.	ngeritik

8.         Tah reungeukeun ………………….. ditakol di pos kamling

a.	Locéng	c.	kendang
b.	bedug	d.	Kohkol

9.           Geus waktu …………………… yeuh, geura ngarampih ka kamar masing-masing

a.	Coréncang tihang	c.	Sareureuh budak
b.	Haneut moyan	d.	Pecat sawed

10.      Tong …………………….. teuing atuh hudang téh, pan isuk-isuk rék indit ka sakola.

a.	Subuh	c.	Beurang
b.	soré	d.	Janari leutik

11.      Si Dodo mah jeung dulur téh kawas ……………………………… tiap papanggih ngan paséa wé

a.	Cai dina daun taleus	c.	Bueuk meunang mabuk
b.	Kuda leupas ti gedogan	d.	Gaang katincak

12.      Bakat ku ambek ka si Jalu, beunget si udin lir ……………………………………

a.	Emas sinangling	c.	Bulan kabeurangan
b.	Kapuk kaibunan	d.	Beusi atah beuleum

13.      Kalimah nu ngagunakeun gaya bahasa ngaumpamakeun/similé nyaéta:

a.	Manéhna ngan tungkul baé ti tadi teh	c.	Ti barang bapana kawin deui, Néng Meli  jiga kuda leupas ti gedogan waé.
b.	Saha nu ceurik jejeritan téh ?	d.	Si Dorna keur mapanas dua pihak nu teu akur

14.      Di alun-alun Parungpanjang rék  aya grup Band Ungu nu ngahibur masyarakat, atuh ti isuk keneh jalma-jalma geus balawiri kawas ……………………..

a.	toéd	c.	Kebo mulih pakandangan
b.	Ucing nyanding paisan	d.	Siraru jadi

15.      Tong sok ulin wanci ………………………….sieun sandékala.

a.	Janari leutik	c.	Sareupna
b.	manceran	d.	Tunggang gunung

16.      Biografi nyaéta: …………..

a.	Tulisan nu nyaritakeun riwayat hiji jalma	c.	Tulisan nu nyaritakeun riwayat hiji daerah
b.	Tulisan nu nyaritakeun riwayat diri sorangan	d.	Tulisan nu nyaritakeun riwayat para nabi

17.      Haji Koko Koswara, nénéhna Mang Koko, lahir di Kecamatan Indiang Tasikmalaya, Ramana Ibrahim alias Sumarta, anjeuna aya teureh ti sultan Banten. Anjeuna Kagungan putra 8 diantawisna Tatang Benyamin Koswara  sareng Ida Rosida.

Tulisan di luhur mangrupakeun saeutik tina perjalanan hirup  jeung riwayat hirup Mang Koko, anu disebut:

a.	Oto Biografi	c.	Biografi
b.	pupuhu	d.	Pangajén

18.      Basa ulangan IPA Si Marwan kawas ………………………….., da peutingna nonton Tolay teu sempet ngapalkeun .

a.	Birit sééng	c.	Ucing tutung buntut
b.	Bujur aseupan	d.	Bueuk meunang mabuk

19.      Abong budak leutik, kawas …………………………………diuk na teh teu bisaeun cicing.

a.	Nangeuy endog bebereumna	c.	Anjing kadémpét lincar
b.	Birit sééng	d.	Bujur aseupan

20.      Lahir di Kabupatén Indramayu, 12 April 1969, Ramana H. Warta, anjeuna kagungan putra 3, anjeuna kalebet jalmu anu patuh kana agama, ageung wawanénna sareng jalmi nu tekun jeung percaya diri.

Anjeuna lulusan ti  Universitas  kaséhatan nu aya di Bandung, saparontos lulus kuliah anjeuna di tugaskeun prakték di Parungpanjang di klinik kagungan Alm Hj Ratu Tuti. Salejengna anjeuna bubuara di Parungpanjang.

Cing ku hidep tebak biografi saha eta téh?

a.	Ibu Hj. Sunni Tsuroya	c.	Ibu Sukaésih
b.	Ibu Bidan Cahyati	d.	Pa Yani

21.      Kolot baheula gé teu ………………….. kuramas, tapi rajin, sok sanajan tara maké sampo tapi maké taneuh da jaman harita mah can aya sampo

a.	Ngedul	c.	Tanghian
b.	tanginas	d.	Percéka

22.      Éta budak meni lampar ulinna, lir …………………….

a.	Kacang ninggang gajang	c.	Kuda lepas ti gedogan
b.	Jelér kasaatan	d.	Gang katincak

23.      Bapa nuju tuang Abdi hoyong ………………..

a.	tuang	c.	neda
b.	dahar	d.	ngakan

24.      Si Udin keur saré, ibu nuju …………..

a.	Bobo	c.	saré
b.	Kulem	d.	tibra

25.      Lamun jalma anu bawél loba omongna, biasana disebut jiga ……………………………..

a.	Endog sapotong	c.	Cai  jeung minyak
b.	toéd	d.	Jelér kasaatan

26.      Aki-aki kundang iteuk

Mipir gawir sisi leuwi

Melak sarupaning kai

Aya suriah jeung mindi

…………………………………………

a.	Geus ka sungsi ajén-ajén diri	c.	Ulah longsor ngagolosor
b.	Panon poé nyulusup	d.	Lolobana mah mahoni

27.      Mun urang mindeng nulis, kaparigelan nulis téh bakal kaasah, béda deui jeung nu ……… nulis

a.	Remen	c.	Langka
b.	rajin	d.	rutin

28.      Para Pulitisi sok remen parebut korsi.

Korsi dina kalimah dilurur hartina

a.	Tempat diuk	c.	pigawéeun
b.	jabatan	d.	Jualeun

29.      Di pilemburan aya keneh indung beurang nu sok mantuan ngalahirkeun.

Indung beurang hartina:

a.	Bidan	c.	Suster
b.	Perawat	d.	Paraji

30.      Nu  kurang cocog dituliskeun dina biografi tokoh perjuangan nyaéta:

a.	Tempat jeung waktu lahirna	c.	Ngaran indung bapana
b.	Perjoangan hirupna	d.	Kabogoh jeung babaturanana

Éssay:

1.     Tulis conto kalimat nu ngagunakeun istilah waktu :

a)         Coréngcang tihang;

b)         Manceran;

c)         Haneut moyan

2.     Hartikeun kalimat:

a)         Lir cai dina daun taleus

b)         Kawas bueuk beunang mabuk

c)         Kawas gang katincak

3.     Naon ari nu disebut gaya bahasa similé ? naon cirri-cirina ?

4.     Tulis 2 conto kalimat nu ngagunakeun gaya bahasa similé

5.     Jieun  hiji sajak tema bebas, paling saeutik dua bait.